Bidean bi anoa gune izango dira, bat 9. kilometroan eta bestea 24. kilometroan. Irteera 08:00etan izango da San Bartolome plazatik, eta antolatzaileek esan dute 07:30erako bertan egotea komeni dela.
Izena emateko epea larunbatean 18:00etan amaituko da, eta interesa dutenek galdetegi bat bete behar dute Internet bidez. Helbidea Bidetxur mendi taldearen Instagram kontuan sartuta lortuko du interesatuak. Ibilaldia amaitu ondoren, zozketa eta pintxoak izango dira Ibarrako plazan. Mendi martxan izena ematea doakoa da; egunean bertan ibilaldia amaitzean borondatea eskatuko dute antolatzaileek gastuak ordaintzen laguntzeko. Bidetxur mendi taldearekin harremanetan jartzeko bidetxuribarra@gmail.com helbidearen bitartez edota bere Instagram eta Facebook kontuen bidez dira aukerak.