Guztira banaka 55 parte hartzaile, horietatik zazpi emakumezkoak, eta erreleboka 24 bikote, horietatik bost mistoak, lehiatu dira Ibarrako Piparra XV. Mendi Duatloian. Gizonezkoetan banakakoan Iker Eskibel eskoriatzarra izan da garailea (1.11.52), bigarren Aitor Regillaga tolosarra (1.12.52) eta hirugarren Asier Aburuza adunarra (1.14.07). Emakumezkoetan Maddi Olaetxea usurbildarra izan da lehenengoa (1.26.05), bigarren Mayi Mujika elgoibartarra (1.28.51) eta hirugarren Aiara Garaialde segurarra (1.29.59).
Erreleboka Aitor Aizkorbe goizuetarra eta Koldo Herrera sunbildarra izan dira lehenengoak iristen helmugara (1.07.09), bigarren bikotea Endika Mantecon segurarra eta Iñigo Pradera mallabitarra izan dira (1.08.23), eta hirugarrenak Jokin Ascaray lazkaotarra eta Uxer Mozo tolosarra (1.09.30). Taldeka Asteasuko Stern Factory Team izan da irabazlea.
