Ibarran bi ekitaldi izango dira datozen egunetan. Ostiralean, Enrike Solinis eta Euskal Barrok Ensemble taldeak Zubinea diskoa aurkeztuko dute, 19:00etan hasita, San Bartolome elizan. Diskoak Solinisek konposatutako piezak jasotzen ditu, doinu tradizional eta zaharretan oinarrituta.
Azaroan, berriz, udazkeneko menuak egiten irakatsiko ditu Miriam Ortiz sukaldariak. Horretarako, bi saio antolatu dituzte; lehena azaroaren 6an izango da, eta bigarrena, azaroaren 13an. Saioak Ibarrako Kirol Elkartean emango dira, 18:15etik 20:15era eta interesa dutenek bi egunetako bat aukeratu beharko dute. Izena ematea Kultur Etxean egin beharko da. Ikastaroaren prezioa 5 eurokoa da eta egunean bertan ordaindu beharko da.