Ioseba Mateos CN Master Torrijos taldeko igerilari ibartarrak podiumera igotzen jarraitzen du. Oraingoan, Maliañon (Kantabria) jokatutako XXIX. Punta Parayas Zeharkaldian izan da. 2,5 kilometroko distantzia zuen probak, eta Mateosek 27 minutu eta 16 segundo behar izan zituen ibilbidea burutzeko. Bera izan zen azkarrena C1 master kategoriako igerilarien artean.
Absolutu mailako sailkapenean, laugarren izan zen ibartarra. Diego de la Fuente izan zen garaile, 25.15eko denbora eginda. Bigarren, Tomas Marti izan zen, irabazlearengandik 29 segundora (25.44), eta hirugarren, hau da, Mateosen aurretik, Oscar Rodriguez, 25.59ko denborarekin.