Jon Arozena (Ibarra, 2006) Tolosaldea Lanbide Heziketako ikasleak irabazi du Lanbide Heziketako ikasleen artean egiten duten Euskoskills txapelketa. Arozenak Enrike Odriozola irakaslearen tutoretzapean parte hartu du lehiaketan eta hain justu, azken hiru urteetan Odriozolaren ikasle batek irabazi du lehiaketa. Ibartarrak soldadurako erdi-mailako zikloa egin zuen Tolosaldea Lanbide Heziketa institutuan eta sari honek aukera emango dio datorren urteko Spainskills lehiaketan parte hartzeko. Bertan WorldSkills lehiaketan parte hartzeko plaza lortzea izango du helburu. Tolosaldea Lanbide Heziketako arduradunek ibartarra zoriondu dute «egindako lan bikainagatik eta Euskadiko lanbide heziketa mapan berriz ere maila gorenean kokatzeagatik».
