6-6 amaitu zen Otxartabe taldearen aurkako itzulerako partida. Rafak, Victorrek eta Gorkak sartu zituzten lehen zatiko hiru golak, eta bigarrengo zatian Raulek lortu zuen launako berdinketa. Beste bi golak Victorrek sartu zituen. Harmailak goraino beteta zauden eta Lauburuko jarraitzaileek gogotik ospatu zuten berdinketa eta aurrera egiten jarraitzeko lortutako txartela. Izan ere, areto futboleko Bigarren Mailara Igotzeko play-offak joan-etorriko hiru kanporaketa ditu, eta Lauburukoak bide onetik doaz lehen kanporaketa gaindituta.