Ibarrako Udalak pentsiodunei zuzendutako marrazketa tailerra antolatu du. Martxoan izango da, Bizi Nahi jubilatuen elkartean, eta izena eman nahi dutenek otsailaren 28a baino lehen egin beharko dute, 943 67 04 15 zenbakira deituta.
Ikastaroa doan izango da, eta koloretako arkatzezko marrazketa landuko dute, lau egunetan zehar: martxoaren 7an, 14an, 19an eta 28an. Goizez izango da, 09:00etatik 11:00etara.