Hauspoa kultur elkarteak San Blas opilak egiten ikasteko ikastaroa antolatu du. Datorren ostegunean egingo dute, 18:15etan hasita, Gorrotxategi museoan. Ibarrako plazan egingo dute aurretik hitzordua, 18:00tan, denak elkar joateko. Horrez gain, ikastaroarekin bat egiten duten herritarrek museoa bisitatzeko aukera ere izango dute.
Horretarako, aurretik izena eman beharko dute, hilak 28a baino lehen, Ibarrako kultur etxean. Ikastaroak 5 euroko prezioa izango du eta egunean bertan ordaindu beharko da.