Emakumezkoetan, Ibarraz gain beste hiru taldek parte hartu zuten: Abadiño, Badaiotz eta Beti Gazte. Lau talde izanik ligaxka jokatzen da eta hiru saioetako puntuazioarekin erabakitzen da irabazlea.
Ibarrako emakumezkoak pisuz oso baxu joan baziren ere aurreneko saio horretara, aurreneko postuan berdindurik geratu ziren Beti Gazterekin. Hirugarren Badaiotz izan zen eta azkena Abadiño.
Gizonezkoetan sei taldek hartu zuten parte eta horiek ere ligaxka modura dute pisu horretako txapelketa. Ibarrakoak pisuz oso baxu joan ziren arren, sokatiralari berriak izanik eginiko lanarekin «gustura eta hobetzen jarraitzeko gogotsu» amaitu zuten, taldetik diotenez. Seigarren postuan geratu ziren ibartarrak.
Ibarra Sokatira Taldekoak, Gernikan, 640 kiloko mailan. POTRONKO