Ertzaintzako agente batek 76 urteko gizon baten bizitza salbatzea lortu zuen atzo, Ibarran, osasun arazo baten ondorioz istripua izan ostean. Ezbeharra goizeko 11:20ak aldera gertatu zen, GI-2130 errepideko zeharbidean, Ibarra parean. Auto bat bere erreitik atera eta beste ibilgailu bat jo zuen.
Oriako ertzain etxeko patruila bat iritsi zenean, istripua eragin zuen ibilgailuaren gidaria ondoezik zegoela ikusi zuten. Pertsonak arnasa hartzeko arazoak zituen, eta ertzain bat BBB suspertze-tratamendua egin zion, pultsua eta arnasketa berreskuratzeko. Handik gutxira, anbulantzia bat iritsi zen eta osasun langileek laguntza ematen jarraitu zuten. Azkenean, Donostia ospitalera eraman zuten.