50 minutu inguruko kontaketa antzeztua proposatzen du Itziar Saenz de Ojer artistak, non Eguberria izango den gai nagusia. Gaztainak erretzen dituen bitartean, artistak bere amonagandik jasotako hainbat eguberri kontu aletuko ditu; garai bateko sinismenak, Eguberrietan Euskal Herrian zehar egiten ziren errituak edota ahozko tradiziotik jasotako kontu eta kantuak, besteak beste.
Doako ikuskizuna izango da, adin guztietarako herritarrentzako zuzenduta. Familian, lagun artean zein bakarrik ikustekoa.