Eskaintza zabalarekin hasiko du urtea Ibarrako Belabieta kiroldegiak. Izan ere, urtarrila eta martxoa bitarteko kirol ikastaro ugari antolatu ditu; hirugarren adinekoentzako gimnasia, yoga, tonifikazioa, boxeoa edota Hiit ikastaroak izango dituzte, besteak beste. Horietan izena emateko epea zabalduko dute asteazkenean, eta urtarrilaren 3ra arte izango da horietan izena emateko aukera kiroldegian bertan.
Bazkideek 94,92 euroko kuota ordaindu beharko dute hiruhilekoagatik, bazkide ez direnek 119, 11 eurokoa eta 24 urtera arteko ikasleak 71,19 eurokoa. Ikastaroetan alta eman ondoren, automatikoki hurrengo hiruhilekoan ere alta emango zaio. Baja eman nahi bada, eskaera urtarrilaren 5a baino lehen egin beharko da, eta hirugarren hiruhilekoan jarraitu nahi ez bada, apirilaren 5a baino lehen.
Ikastaroen ordutegiak ikusteko eta edozein zalantza edo informazio gehiagorako ibarra.eus webgunean lor daiteke.