Azaroaren 17an parte hartu zuten Belabietakoek Uteboko txapelketan, eta torneo biribila izan zen, jubenil taldeak urrezko domina lortu baitzuen, Espainiako txapelketarako sentsazio onak jasoz.
Arratsaldean banakakoen txanda izan zen. Eider Lasartek sokarekin trebe ibili ondoren 29. postua lortu zuen. Inko Oruesagasti eta Cristina Serrano ere uztaiarekin bikain aritu ziren, urrezko eta brontzezko domina lortuz.
Bestalde, hurrengo topaketa Espainiako Txapelketa izango da, Zaragozako Siglo XXI aretoan . Belabietako Oinarrizko jubenilek larunbatean, azaroak 23an, parte hartuko dute bertan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!