Azaroaren 22an, ostirala, Xexili Eguna ospatuko da, Musikarien Nazioarteko Eguna. Hori dela eta, eskualdeko musika eskolek eta zenbait musika taldek ekitaldiak antolatu dituzte aste honetan. Loatzo Musika Eskolak, esaterako, II. Musika Astea antolatu du. Atzo, Zizurkilgo Atxulondo aretoan egin zuten lehen saioa eskusoinu eta gitarra taldeek.
Gaur, berriz, ganbera-musika saioak izan dira Ibarrako kultur etxean. Pianoa, gitarra, klarinetea, biolina, txirula edota zeharkako flauta entzuteko aukera izan dute bertaratu direnek.
Ostegunean, Anoetako plazan izango da emanaldia. Hain justu, Loatzo Musika Eskolako Bandak eskainiko du kontzertua, dultzaineroekin eta Anoetako kukuak kantuz abesbatzarekin batera.
Azken emanaldia ostiralean, hilaren 22an izango da, Alegiako kultur etxean. Musika tradizionala lantzen duen Emari taldearen emanaldia izango da. Loatzoko musikariekin batera abesti batzuk jotzeaz gain, Alegiako dantza taldekoen parte hartzea ere izango da