Bidetxur Mendi Klubak laugarren urtez antolatutako egitasmoak, balantze positiboa utzi du antolatzaileen artean: «Eguraldia lagun, giro paregabean ibili ziren parte hartzaileak, eta arazorik gabe burutu zuten ibilbidea». Ibarrako San Bartolome plazan elkartu ziren 60 lagunetik 50 parte hartzaileek; 30 kilometroko ibilbide luzea egin zuten, eta 10 lagunek berriz, 21 kilometroko ibilbide motza.
Hala eta guztiz ere, antolatzaileek partaideren bat galtzeko ezinegona izan zuten ibilbidean zehar; izan ere, bidea markatzeko jarririk zeuden zinta batzuk kendu bai zituen baten batek.