Areto futboleko Lauburu Ibarra taldeak Errege Kopako bigarren kanporaketa jokatuko du gaur, Tafa taldearen aurka. 20:00etan hasiko da partida, Tafallan (Nafarroa) eta partida gogorra izango da, ligan lehen postuetan baitago talde nafarra ibartarrekin berdinduta. Partida garrantzitsua da Lauburu Ibarrarentzat, irabaziz gero hurrengo kanporaketa Bigarren Mailako talde baten aurkako jokatuko baitu, etxean.
Garaipen zabala ligan
Asteburuan 2. B Mailako talde ibartarrak 11-0 irabazi zuen Castro taldearen aurka, eta sailkapeneko lehen postuan dago 10 punturekin. Lauburu Ibarrak erraz irabazi zuen partida, igo berria den eta lehiatu ezin izan zen Castro taldeari. Denboraldiko lehen garaipena izan da Belabietan bigarren jardunaldiko berdinketaren ostean.