Unai Iribar txirrindulari ibartarrak podiumera igotzea lortu du Malasiako Langkawi Tourrean, sailkapen orokorreko hirugarren postua lortuz. Max Poole izan zen irabazlea, 13 segundotara geratu zen Thomas Pesenti eta Iribar 20 segundotara. Hirugarren postua probaren hirugarren etapan egindako lanean oinarritu zen. Tourraren etapa erregina izan zen, eta Kern Pharma taldeak hiru txirrindulari sartu zituen talde nagusian. Horietako bat Iribar izan zen, eta besteak Ibon Ruiz eta Jorge Gutierrez. Bi azken horiek lehen hamar postuetan sartzea lortu zuten tourraren sailkapen orokorrean, eta talde onenaren saria lortu zuen Kern Pharmak.
Pablo Urtasun Kern Pharmako kirol zuzendariak azaldu duene, «tourraren balantzea oso positiboa da. Igoeran bukatzen zen etapan hirugarren jarri ginen, baina oraindik etapa asko geratzen ziren eta eta lanean arituz postuak eta denbora-sariak kontua hartuz, Unai Iribarrekin podiuma lortu dugu». Talde guztia zoriondu du Urtasunek egindako lanarengatik: «Txirrindulari guztien jarrera bikaina izan da eta genuen ehuneko ehuna eman dugu».