Ekainean abiatu zituzten Uzturpe ikastolako kanpo espazioko obrak, eta bi fasetan banatu dute. «Lehen fasea ekainetik irailera bitarte egitea aurreikusi genuen, haurrak ikastolan hasi aurretik amaitzeko», esan du alkateak. Eraikinaren aldean eta oraingo aterpearen ondoan dagoen zona berritu dute, «ikasleek ikastola hasi orduko patioa eduki zezaten». Hoditeria guztia ere berritu dute eta eraikinaren azpitik igarotzen diren urak bideratu dituzte.
Orain, bigarren faseari ekin diote. Bertan, gune berdea sortzen ari dira, eta behin hori amaituta, zoruarekin bukatuko dute. Obra erritmo onean jarraitzen duela esan du alkateak, eta guztia azarorako amaitzea aurreikusi du.