II. Mendi Bizikleta Festa egiten ari dira gaur Ibarran. Goizean BTT irteerak egin dituzte gaztetxo nahiz helduentzat eta arratsaldeko lehen orduan haurrentzako ginkana eta trial erakustaldiak egin dituzte.
Haur eta gaztetxo asko gerturatu dira bizikleta hartuta Ibarrako plazara. Gainera, iaz bezala, bigarren eskuko azoka bat ere jarri dute plazako aterpean.
19:00etatik aurrera jarriko da martxan aurtengo festaren nobedade nagusia: Ibarra Enduro proba. Lehenengo jaitsiera Leaburutik izango da, eta bigarrena Izaskundik, eta biek helmuga herriko plazan izango dut. 19:00etan aterako dira txirrindulariak Leaburutik eta 20:00etan Izaskundik. Sari banaketa ekitaldia egingo dute, ondoren, herriko plazan.
Eguna paella jatearekin eta zozketekin amaituko dute.