Tolosako Arimaz Kamera orkestrak eta Ion Garmendia Anfurrutia musikari ibartarrak kontzertua emango dute San Bartolome elizan. 19:30ean izango da saioa eta Sara Litonek zuzenduko du; hileta egonez gero, kontzertua ondoren hasiko da.
Martxoan Altzon egin zuten kontzertua orkestrak eta Garmendiak, eta bihar melodia berdinak interpretatuko dituzte Ibarran. Peio Joxepe, Donostiako hiru damatxo eta Haurtxo txikia euskal kantu herrikoiak, Luis Aranbururen Kontzertu barrokoa Re minorrean, Javier Bello-Porturen Mendekoste Phestetan eta Isidro Ansorenaren Birigarroa izango dira joko dituzten obretako batzuk.