Jaietako azken eguna ari dira ospatzen gaur, Ibarran. Herritar ugari bildu da goizean plazan, kuadrillen arteko brindisa egin eta bazkaldu aurretik, Bonberenea txaranga eta Giroarte dultzainekin kalejiran murgiltzeko. Ondoren, Emeterio Arrese parkean elkartu dira bazkaltzeko kuadrilla guztiak.
Hona hemen arratsalderako egitaraua:
- 18:00. Matraka elektrotxarangarekin, kuadrillen kalejira.
- 19:00. Sokadun bigantxak, Beheko Bideko zelaian.
- 22:30. Zezensuzkoa, San Bartolome plazan.
- 23:00. Muxutruk taldearekin dantzaldia, San Bartolome plazan.
- 00:00. Zuzenik ez kuadrillak piperra osasun etxetik San Bartolome plazaraino eramango du, eta ondoren erre egingo dute.
- Ondoren. Muxutruk taldearekin dantzaldia, San Bartolome plazan.
