Atzokoan jaien hasiera eta erraldoiak izan baziren protagonista, gaurkoan danborrada izan da eguneko osagai nagusia. Arratsaldean egin dute azken entsegua, eta iluntzean San Bartolome plazan entseguetan ikasitakoa jendaurrean erakustea egokitu zaie. Bada, danbor hotsa, dantza eta musika nahastuta, ikuskizun ederra eskaini dute, plazan lehenbizi, eta herrian zehar ondoren. Aurtengoan, gainera, danborrada taldekoak izan dira jaien hasierako suziria bota dutenak.
Danbor hotsek afalostean izango dute jarraipena, kalejira egingo baitute, kasu honetan ere Iraunkorrak txarangarekin batera. Ondoren, lekukoa zezensuzkoak hartuko du, 22:30etik aurrera, plazan., Gabezin taldea arduratuko da 23:30etik aurrera plaza girotzeaz.
Igandera bitarteko egitaraua hemen.
