Ioseba Mateos Mateos igerilari ibartarrak bigarren egin zuen Lekeitioko hondartzan jokatutako XXV. Kilin Kala Igeri proban. 2,1 kilometroko distantzia zuen Garraitz kirol taldeak antolatutako zeharkaldiak. Xabier Gordoa izan zen irabazlea, 28.28rekin, eta ondoren helmugaratu zen Mateos, 28.32 eginez. Iskander Sagarminaga izan zen hirugarrena, 31.00ko denb0rarekin.
Aurretik, CN Master Torrijos klubeko igerilaria den Mateosek II. Arriluze Txallenge proban parte hartu zuen, Getxoko portuan. 2,5 kilometroko distantzia zuen probak, eta Swim Camp Getxo taldea izan zen zeharkaldiaren antolatzailea. Ibartarrak laugarren postua lortu zuen, podiumetik bi segundora geratuz. Adnan Mustafic izan zen irabazlea, 29.55 eginez; bigarren Jon Bacigalupe izan zen, 31.35rekin, hirugarren Alex Zabala, 33.07 eginez, eta segidan, laugarren, Mateos, 33.09ko denborarekin.