Datorren ikasturtea prestatzen hasi da Alurr dantza taldea, eta dagoeneko zabaldu du matrikulazio epea. Bertan parte hartzeko interesa duten dantzari gazteek uda osoan zehar egiteko aukera izango dute, Alurr.eus helbidean. Azken eguna irailaren 30ean izango da. Webgunean daude zehaztuta, ordutegiak, taldeak eta kuotak. Informazio gehiagorako alurr@alurr.eus edo alurrkomu@gmail.com helbide elektronikoetara edo @alurrdantza Instagram kontura idatzita.
'Zamaltzain' estreinaldia, Bidanian
Bestalde, udaran hainbat emanaldi eskaintzen ibiliko dira Euskal Herri osoan zehar. Horretarako, emanaldi berri bat sortu dute Zamaltzain izenburupean. Xuletinoaren zantzu batzuk garatzen dituen emanaldi txiki bat izango da, eta ostiralean estreinatuko dute, 19:30etan, Bidanian.