Doako zerbitzua da, eta aurretik hitzordua eskatuta, zuzeneko arreta pertsonalizatua eskaintzen du, baita telematikoa ere. Eskualdeko edozein herritar joan daiteke bertara kontsumo arloan arazo edo zalantzaren bat duenean, kontsumitzaile edota azken erabiltzaile gisa. Gatazkak konpontzeko bitartekaritza edo orientazio juridiko-legala ematen ditu, kontsumo alorreko erreklamazio, kexa eta salaketak bideratzen lagunduz. Dibulgazio lanak egiteko lagungarria da ere, ikastaro eta hitzaldiak eskainiz.
Informazio gehiagorako Ibarrako Udaleko webgunean edo kontsumoa@tolosaldea.eus helbide elektronikora idatzita.