Uzturpe ikastolako kanpo espazioa eremu aktibo eta bizia izan da herriko egunerokoan, eta orain, herritar guztien zerbitzura egotea bilatu nahi du Ibarrako Udalak. Horretarako, udazkenean parte hartze prozesu bat abiatu zuen, Uzturpe Ikastolako kanpo espazioa edo patio elkarrekin diseinatu eta eraberritzeko asmoz.
Orain prozesuaren emaitzen berri herritarrei zabaltzeko saio irekia egingo dute ostegunean, 18:00etan, Txontxo lokalean. Jani de Andresek gidatuko du saioa eta hurrengo gaiak jorratuko dira:
- Diseinua kontuan hartuta, udalak onarturiko obra proiektuaren berri ematea. LZB arkitektoen proiektua, aurrekontua eta azalpenak. Zer ez den sartu eta etorkizunean zer osatu beharko den auzolanean edo proiektu txikiei esker.
- Patioko hormaren erorketa eta azken gertakariak. Zer gertatu zen eta nola dagoen.
- Patioko obraren esleipena eta obrari buruzko informazioa herriari. Noiz hasi eta amaitu.
- Eta ondoren zer? Herriko haurrentzako erakargarria den patioari bizitza eta jarraipena eman.
- Osatzea, zaintzea, aberastea, mantentzea denen artean eta denontzat.