Ibarrako Belabieta Kiroldegiak prestatutako udako programazioaren barnean mota ezberdinetako jarduerak izango ditu aukeran. Tabata Hiit, pilates, tonifikazioa, hiit, 12 eta 16 urte bitartekoentzako eskalada eta adinekoentzako gimnasia ikastaroak izango dira, besteak beste. Horietan izena emateko epea zabaldu dute gaur, eta hilaren 24ra arte izango da horretarako aukera kiroldegian bertan.
Izena emateko garaian bazkideek 34,11 euro ordaindu beharko dituzte, eta bazkide ez direnek, berriz, 44,94 euro. Informazio gehiagorako 943 67 15 44 zenbakira deituta.