Gazteak protagonista dituen ekimena da Sormenetik Gurera. Gustuko kultur sortzaile bat aukeratzen dute eta bera elkarrizketatzeko ardura hartzen dute. Ibarran bigarren aldiz egin dute bat egitasmoarekin eta gaurkoan Xabi Solano izan da elkarrizketatua. Ekitaldia Mikel Lekuona Gaztezuloko hezitzaileak gidatu du eta Nahia Telletxea, Nala Iglesias eta Maier Garmendia gazteek egin dute elkarrizketatzaile lanak. Elkarrizketa bideratzeaz gain, Gaztezuloko gaztetxoek antolatu dute ekitaldia; elkarrizketa antolatu dute, beharrezko materialak zerrendatu, euskarri komunikatiboak sortu eta saioari forma eman.