Ostegunean izan zen Ibarrako Garagardo Festaren irekiera San Bartolome plazan, eta jende ugari gerturatu zen garagardoa dastatu eta bertako giroaz gozatzera. Aurtengoan, hamar garagardo mota ezberdin dastatzeko aukera izan da, eta gaur izango da horretarako azken eguna, 18:00etatik aurrera. Tiketak salduko dituzte egunean bertan, eta afariak ere emango dituzte. Besteak beste, ukondoa, saltxitxak, patata purea eta postrea eskatu ahalko dira.
Musikak ere izango du bere tartea, eta gaur zenbait estilo ezberdinez gozatzeko aukera izango da. 19:00etan, The Hastelens taldeak hartuko du karpa, 23:30etatik aurrera, berriz, Joxpa erromeriaren txanda izango da, eta amaitzeko, 01:00etan, DJ Mali izango da, Gaztetxean.