Eguraldi txarra iragarrita zegoen arren, eguzkia atera da Izaskunen eta jendetza bildu da bertan. Izan ere, kirol saioa izan da goizean eta ikuskizun bikaina eskaini dute Urdax Magunazelaia eta Haritz Aranguren harri jasotzaileek eta Karmele Gisasola eta Ioritz Gisasola aizkolariek.
Lanak amaituta, herri bazkaria antolatu dute eguerdirako, eta ondoren, Jexux Mari Irazu eta Andoni Egaña bertsolariek emanaldia eskainiko dute. Arratsaldean ere hainbat ekitaldi izango dira. Hala nola, Potxin eta Patxin pailazoen Giro tropikala emanaldia, 16:30etan, eta Etxebarria aita-seme trikitilarien eskutik dantzaldia egingo dute, 19:00etan.
