Oporretan Euskaraz 2024 udaleku irekiak antolatu ditu Ibarrako Udalak herrian aurtengo udan ere, «herriko txikienez beren aisiaz euskaraz eta lagun artean goza dezaten». 2021 eta 2014 urteen artean jaiotako haurrek hartu dezakete parte. Ekainaren 27tik uztailaren 24ra izango dira udalekuak, astelehenetik ostiralera, 09:00etatik 13:00etara, eta izena emateko aukera zabalik dago. Haur batek 65,83 euro ordaindu beharko ditu, bi haur izanez gero 96,54 euro eta hiru haur baino gehiago badira 122,89 euro.
Parte hartu nahi dutenek maiatzaren 15a bitarteko epea dute izena emateko. Online eman daiteke izena Ibarra.eus webgunean edo aurrez aurre Txiribitu Aisialdi Taldearen lokalean (Arantzazu, 4) maiatzaren 7 eta 14an, 10:00etatik 13:00etara eta 17:00etatik 19:30era. Bi egun horietan matrikula egiten lagundu zein beharrezko azalpenak emango dituzte.
Udalekuak hasi aurretik, ekainaren 12an, 19:00etan, udaletxeko pleno aretoan, ekintzan parte hartuko duten haurren guraso edo tutoreentzat bilera izango da.
Aurkeztu beharreko dokumentazioa
- Izen emate orria (online egiten den kasuan, formularioa bete)
- Karnet tamainako haurraren argazkia
- Osakidetzaren txartelaren kopia
- Prezio publikoa kobratu ahal izateko kontu korrontearen ziurtagiria