Tolosa CF-n hasi zuen bere futbol ibilbidea Sarasolak eta gero Realera joan zen. Guztira sei urte daramatza dagoeneko Realean, eta horietarik hiru lehen talderekin. «Orain arte lortutakoa baino askoz gehiago lortzea» da bere nahia. «22 urterekin hemen egoteagatik pozik nago. Bidea ez da erraza izan, baina azkenean gauzak lortzen dira».
Futbolari ibartarrari bi urtez luzatu dio Realak hitzarmena, 2026ra arte. «Oso pozik nago, etxeko jendearekin, nahi dudan lekuan. Txikitako amets bat da hemen egotea eta beste bi urte hauetan ilusio berarekin ariko naiz», esan du Sarasolak.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!