Esplorazio sinbolikoak

Lehen tailerra izan dute Ibarran ireki berri duten Studio Marocan. Jone Taberna ilustratzaileak gidatu du, eta bere esanetan, «tailerra honetan garrantzitsua da bakoitzak bere sormena ateratzea eta sorkuntzara eta magiara irekitzea». Horregatik, tailerraren hasieran gorputza lantzen hasi dira, «ondoren, paperarekin lan egiteko garaian parte hartzaileek beldurra galdu dezaten, haurrak ginenean bezala, eta bisualizazioarekin batera sortzen zaizkigun elementu guztiak marrazteko». Elementu horiei exbotoak deitu diote, eta Tabernak azaldu bezala, «horiek esanahiez beteta daude, baina burutik atera beharrean jokotik atera dira».