Igandean izan zen Munduko Txapelketako azken jardunaldia, eta bertan selekzioen arteko txapelketak izan ziren jokoan. Goizeko saioan, 640 kiloko gizonezkoen txapelketa jokatu zen, bertan Ibarra Sokatira Taldeko Lander Oterminek parte hartu zuen, eta laugarren postua lortu zuen Euskal Selekzioak. Emakumezkoen 540 kilokoan Ibarrako Agurtzane Beloki, Alaitz Olano eta Saioa Iriarte aritu ziren Euskal Selekzioarekin, eta hirugarren egin zuten. 23 urtez azpiko gizonezkoetan, berriz, Urtzi Otermin aritu zen, eta hauek ere brontzezko domina eskuratu zuten. Arratsaldeko saioan, misto helduen mailan Lander Oterminek parte hartu zuen, eta lehen postua lortu zuen Euskal Selekzioak, urrea eskuratuz.
Ibarra Sokatira Taldeak ezin izan du talde bezala Euskal Selekzioa ordezkatu jokatu berri den Munduko Txapelketan, baina tiratzaile batzuk aukera izan dute parte hartzeko selekzioarekin.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!