Galtzaundi Euskara Taldeak, Ibarrako Udalarekin elkarlanean, antolatzen duen Ibarra-Galtzakomik Komiki Lehiaketako sari banaketa ekitaldia egin zuten atzo, Ibarrako kultur etxean. Lehiaketaren 16. edizioa izan da aurtengoa, eta orotara, 263 komiki jaso dituzte, Euskal Herriko hamaika txokotatik.
Lan guztiak aztertzeaz Yurre Ugarte idazlea, Joseba Larratxe Josevisky arkitekto eta komikigilea eta Ainara Azpiazu Axpi ilustratzailea arduratu dira, eta behin kategoria ezberdinetako irabazleak zehaztuta, atzo sariak banatzeko ekitaldia egin zuten. Sari potoloena, eta aurtengo berezitasuna, hau da, komikietako bat Danonartean argitaletxearekin argitaratzeko aukera, atzo jakin zen. 17 urtetik gorakoen kategorian bigarren saria irabazi duen Libe Carballok izango du bere Beldur naiz, eta zu? komikia argitaratuta ikusteko aukera. Danonartean argitaletxeak beste lan bat ere nabarmendu du, Ana Zubizarretaren Plastiko baten istorioa eta Ibarrako merkatarien opari txekea jasoko du.
XVI. Ibarra-Galtzakomik Komiki Lehiaketara aurkeztutako lan guztiak Ibarrako kultur etxean egongo dira ikusgai, abenduaren 29ra arte.
Irabazleak
- 9 urtera arte
- 1. Saria: Uretako lagunak Oinatz Mujika Aginalde. Saria: Opari txekea + komiki bilduma.
- 2. Saria: Mia eta Lili denboraren makinan Aroa Elizundia Garcia. Saria: Marrazketarako materiala + komiki bilduma.
- Aipamena: Pipar berde euskaldunak Irati Etxegoien Lazkano. Saria: Komiki bilduma.
- 10-12 urte bitarte
- 1. SARIA: Tortila ametsaren bila Nora Ansorena Irizar. Saria: Opari txekea + komiki bilduma.
- 2. Saria: Martin txiki eta tartalo Ekai Etxabe Lizarralde. Saria: Marrazketarako materiala + komiki bilduma.
- Aipamena: Plastiko baten istorioa Ana Zubizarreta Galarza. Saria: Komiki bilduma.
- Ibarrako onena: Ibarrako pipar majikoak Unai Romero Sotelo. Saria: Ibarrako merkatarien oparia + komiki bilduma.
- 13-16 urte bitarte
- 1. Saria: Lorategiko erregina Paula Ansorena Irizar. Saria: 200 euro + komiki bilduma.
- 2. Saria: Urrutiko intxaurrak Aitor Aristi Imaz. Saria: 100 euro + komiki bilduma.
- Aipamena: Lagunak Maialen Zabala Arozena. Saria: Komiki bilduma.
- Ibarrako onena: The super bikers Amets Mendizabal. Saria: Ibarrako merkatarien oparia + komiki bilduma.
- 17 urtetik gora
- 1. Saria: Nire Itsasoa Julen Madariaga Murua. Saria: 700 euro + Kuku jatetxean bi lagunentzako afaria.
- 2. Saria: Beldur naiz, eta zu? Libe Carballo Aranburu. Saria: 300 euro + Eguzki Lore tabernan bi lagunentzako afaria.
- Danonartean argitaletxearen saria
- Komikia argitaratzeko aukera: Beldur naiz, eta zu? Libe Carballo Aranburu.
- Aipamena: Plastiko baten istorioa Ana Zubizarreta. Saria: Ibarrako merkatarien elkarteko opari txekea.
