Larunbatean egin zen proba, Soluciones Inmobiliaria eta EGM Ingenierosek antolatuta, eta Xábia Esports lagunduta. Antolakuntza «osa ona» izan zela azaldu du Mateosek: «Eskertzekoa da abenduan zeharkaldi bat egitea uraren tenperatura oso hotza izanda, 13-15 gradu eduki genituen, eta laguntza logistikoa gakoa izan zen igerilari guztien segurtasunerako». Aipatzekoa da proba luzean 5 igerilari atera zituztela uretatik hipotermiarekin.
Mateosek 10 kilometroko proban parte hartu zuen, eta lehen postutik oso gertu geratu zen. Irabazlea Eduardo Porset izan zen (2.27.41), Mateos bigarren (2.28.14) eta hirugarren Nacho Diaz (2.43.42).