Urteroko ohiturarekin jarraituz, Santa Zezili eguna ospatzeko emanaldiak izango dira bihar Ibarran. Loatzo Musika Eskolako dultzaineroen kontzertuarekin hasiko dute ospakizuna 19:30etan, San Bartolome plazako aterpean. Ondoren, kantu-jiran ibiliko dira herrian barrena, dultzainero eta Ikoroa abesbatzarekin batera. Eguna amaitzeko, udalaren eskutik, parte hartzaile guztientzat afari-merienda egingo dute Eguzkiloren.
EGITARAUA
19.30. Loatzo Musika Eskolako dultzaineroen kontzertua plazako aterpean.
20.00. Kantu-jira herrian barrena dultzaineroekin eta Ikoroa abesbatzakoekin.
20.45. Parte hartzaileentzat afari-merienda Eguzkiloren udalaren eskutik.