Itaia Tolosaldean goizean abiatu du indarkeria matxistaren aurkako egunaren harira Ibarran antolatu dituen ekitaldiak. Indarkeria matxistari aurre egiteko antolakuntzaren beharraz hitz egin dute plazan emandako hitzaldian eta krisi kapitalistaren testuinguruan kokatu dute.
Eguerdian autodefentsa tailerra egin dute gaztetxean. Eguraldi txarragatik bertan behera utzi dute horma-irudiaren margotzea, baina bazkaritan 80 lagun inguru bildu dira.
Indarkeria matxistari aurre egiteko ekitaldiak bazkalostean jarraituko dute:
-
Egitaraua
- 14:30. Bazkaria, plazan.
- Bazkalostean. Bingo musikatua.
- 19:00. Bertsolariak plazan: Maite Garmendia eta Iraitz Sarasola.
- 21:00. Ekitaldi politikoa, gaztetxean.
- 21:30. Bokaten salmenta.
- Ondoren. Kontzertuak: Desgaraian, Manitu eta DJ Eo.