Larunbatean, Azkue eguna ospatuko dute bederatzigarrenez, Ibarran. Urtero bezala, suziria lehertuta emango diote hasiera festari, eta egun guztiko egitaraua izango dute aurretik. Antolatzaileek balkoiak berdez apaintzeko deia egin diete auzotarrei.
EGITARAUA
- 11.00. Txupinazoa Azkuko biribilgunean. Auzoko musikariekin eta buruhandiekin kalejira Azkuko plazarantz. Ondoren, Gaztezulorekin batera haur jolas kooperatiboak.
- 11.30. Toka eta pintxo potea.
- 14.00. Bazkaria: Paella, ogia, edaria, postrea kafea eta txupitoa. Noberak bere platerak, kubiertoak eta edalontziak ekarri behar ditu. Bazkari txartelak Azkue okindegian salgai: Helduak 10 eurotan eta gazteak 5 eurotan.
- 16.00. Bingo popularra.
- 17.30. Tor magoaren ikuskizuna.
- 19.30. DJ saioa: Calde Selektah
- 20.30. Zezen suzkoa. Jai bukaera eta garbiketa auzolanean.