2022 2023 ikasturtean, ekainetik irailera bitarte, euskara ikasten edo hobetzen aritu diren ikasleentzat diru laguntzen bigarren deialdia jarri dute martxan, lehen deialdian soberan gelditu den dirua banatzeko asmoz. Diru laguntzak jasotzen diren eskaeren artean modu proportzionalean banatuko dituzte.
Diru laguntzaren helburua bizilagunei ikasturteko matrikula ordaintzea eta euskara ikastera bultzatzea da. Eskaera egin ahal izateko, Ibarrako udalerrian erroldatuta egotea, diru laguntza xede den ikastaroak irauten duen bitartean, eta gutxienez ikastaroko orduen %85 betetzea eskatzen da.
Diru laguntza horiek bihartik aurrera eskatu ahal izango dira, eta eskaera egiteko azkeneko eguna urriaren 7a izango da. Eskaera Ibarrako Udalaren webgunearen (Ibarra.eus) bitartez edo udaletxera joanda egin beharko da, astelehenetik ostiralera, 08:00etatik 14:00ak bitartean.
Informazio osagarria eta dokumentazioa Ibarrako udalaren web orrialdean dago eskura.