Laugarren postua lortu du Ioseba Mateosek III. Playas del Oeste zeharkaldian

Ataria 2023ko abuztuaren 28a
Deskargatu Info Ahotsak :
Español English Français Català Galego

Ordizia K.E. taldeko igerilari ibartarrak hirugarren postua lortu du gizonezkoetan eta laugarren postua sailkapen orokorrean. 

Larunbatean jokatu zen III. Playas del Oeste zeharkaldia, Xixonen (Asturias). Ioseba Mateos igerilariak hartu zuen parte eta 5.000 metro egin behar izan zituen igerian. 01.04.54ko denboran iritsi da helmugara, Javier Izagirre, Aroa Silva eta Diego Gutierrezen atzetik. Podiumeko postuak azken metroetan lehiatu zituztela kontatu du igerilari ibartarrak. «Absolutuan, bigarren eta hirugarren postuan lehian aritu ginen azken metroetan, lehorrera elkarrekin iritsi ginen eta arbitroak horrela erabaki zuen». Denera 74 igerilarik lortu zuten helmuga zeharkatzea.

Hona hemen sailkapena:

  1. Javier Izagirre, 01.01.38
  2. Aroa Silva 01.04.53
  3. Diego Gutierrez 01.04.53
  4. Ioseba Mateos 01.04.54
kirola Ibarra

Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!


EGIN ATARIKIDE!