Abuztuaren 15ean egin zen 53. Paseo Berriko igerialdia. Ioseba Mateos ibartarrak parte hartu zuen besteak beste, eta master kategorian (35 eta 44 urte artekoetan) bigarren postuan iritsi zen helmugara. Podiumera igotzeko aukera izan zuen modu horretara. Sailkapen orokorrean, zortzigarren postuan iritsi zen amaierara, 36.06ko denboran.
Zurriolako hondartzatik atera eta 2959 metro egin behar izan zituzten igerian, Kontxako hondartzara iritsi arte.