Txapelketa Julen Alberdik irabazi zuen, 30.39ko denbora eginez. Bigarren Mikel Larrañaga (31.39) izan zen, hirugarren Eneko Otaño (31.58), laugarren Ugaitz Mugertza (37.45), bosgarren Suharri Rodriguez (38.37) eta seigarren Jexux Mari Mujika (40.52). Lehen hiruren artean lehia polita izan zen txapela janzteko ahaleginean, eta azken hiruren artean ere lehia estua izan zen maila ez galtzeko borrokan. Aurreko denboraldian Mujikak 2. mailako Gipuzkoako Txapelketa irabazi zuen eta horrek ahalbidetu zion lehen mailara igotzea.