Atzo eman zieten hasiera Ibarrako Gazte Festei, eta gaur, bigarren egunean, kirol jarduera batekin ekin diote bigarren egunari. Bertako nahiz inguruko herrietako 50 haur eta gaztetxo baino gehiago elkartu dira San Inazioko futbol zelaian, 4x4 futbol txapelketa jokatzeko. 16 taldek eman zuten izena, eta lau mailatan banatu dituzte: LH 3. eta 4. mailakoak, LH 5. eta 6. mailakoak, DBH 1. eta 2. mailakoak eta DBH 3. eta 4. mailakoak. Festa giroan egin dute ekitaldia.
Asteburuko egitaraua:
- Ekainak 10, larunbata:
- 10:31. 4x4 futbol txapelketa, San Inazioko futbol zelaian.
- 17:04. Alurr dantza taldearen emanaldia, plazan.
- 17:57. Tortilla jatea eta txokolate edatea, plazan, Sendi Ekintza Elkartearen eskutik.
- 21:03. Barrikotea, plazan. Afaltzeko, ogitartekoen salmenta DBHko 3. mailako ikasleen eskutik.
- 22:58. Kontzertuak. Plazan: Coast Rebels, Istilu eta Muxutruk erromeria. Gaztetxean: DJ Mondongo.
- Ekainak 11, igandea:
- 8:01. Gosaria, plazan.
- 17:59. Iago magoaren emanaldia, plazan.
- Iluntzean. Gaztetxean afaltzeko aukera egongo da.
- Ondoren. DJ-a.