Ibarran ospatuko du bertsozale taldeak eguna; goizean bertsotan ariko dira tabernaz taberna, eta bazkalostean bertso jolasak izango dituzte.
Harituz Tolosaldeko bertsozale taldeak 10 urte beteko ditu aurten eta urteurrena ospatzeko hainbat ekitaldi izango dituzte urtean zehar, 10 urte, hamaika bertso lelopean.
Horietako bat da larunbatean, hilaren 27an Ibarran ospatuko duten Harituz eguna. Goizean, 11:00etan hasita bertso-poteoa egingo dute. Karlatz tabernatik hasiko dira, eta tabernaz taberna joango dira giroa bertsoz alaituz.
Bazkaria Sendi Ekintzan egingo dute, eta arratsaldean bertso jolasak izango dituzte.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!