Egun berean, Azpeitiko kiroldegian, amateur mailako Gipuzkoako Txapelketa jokatu zen. Bertan Belabietako kadete C Herrikidek 2. postua lortu zuen eta kadete C Orixek 3.a. Kadete B taldeak 6. bukatu zuen txapelketa eta jubenil B taldeak 5., podiuma gertu izanik, 0,50 puntura hain zuzen ere. Bestalde, Irati Larretak 5. postua eskuratu zuen sailkapen orokorrean, mazoekin 3.a eta pilotarekin 6.a izanik. Uxue Estivarizek 7. postua lortu zuen, bi aparatuetan 8. eginez. Igande honetan, Leioako Irlandesas Ikastetxean Euskadiko jubenil eta senior amateur txapelketak egingo dira eta bertan Belabietako jubenil B taldea izango da.