Igandean baita ere, Gasteizko Abetxuko kiroldegian, Beti Aurrera Klubak antolatutako torneoan, Belabietako kadete B taldeak zilarrezko domina lortu zuen. Torneo berean, infantil mailako Orixe taldea 5. postuan sailkatu zen, eta banakako saioei dagokionez, Irati Larreta laugarren izan zen mazoekin, eta Uxue Estivariz bosgarren, pilotarekin.
Larunbatean, Tolosako Uzturpe frontoian, Tolosa CF-k antolatutako torneoa ospatu zen. Bertan, Belabietako kadete B taldea bosgarren izan zen eta infantil Orixe taldea, zortzigarren.
Hurrengo txapelketa, apirilaren 16an izango da Gasteizen, Euskadiko Liga jokatuko da, eta bertan parte hartuko du Belabietako oinarrizko jubenil taldeak.