Saiorako edukiera mugatua izango da, eta beraz, gonbidapenak aurrez eskuratu beharko dira; astelehenetik aurrera banatuko dituzte kultur etxean.
Elorrietak bakarrik abestuko du, akustikoan, eta hamar kantu berriz osatutako lana aurkeztuko du: Fantasia. Kantu guztiak konposatu ditu, eta berak idatzitako hitzez gain Uxue Alberdi, Iñigo Astiz, Jose Luis Otamendi edo Itziar Ugarte, Amaia Lasa idazleen letrak musikatu ditu. Diskoan parte hartu duten musikarien artean Felix Buff, Amorante, Fernando Neira eta Xabi Zeberio daude, besteak beste.
Lan honetan Aitor Etxebarria izan du ekoizle eta bidelagun Elorrietak. Azken bi urteetan eskuz esku egindako lanaren emaitza da eta musikariaren berezko esentzia harrapatzen saiatu da Etxeberria.