Abadiño, Amaiur, Badaiotz, Beti-Gazte, Gaztedi A, Gaztedi B, Ibarra A eta Ibarra B taldeak aritu dira Euskal Herriko txapelaren bila, eta azkenean Beti Gazte taldekoek eraman dute txapelketa. Lau neska eta lau mutilez osatutako taldeek parte hartzen dute txapelketa mistoan, eta 580 kilotan sartu behar izan dute tiratzaileek.
Ibarra A taldea ez da garaipenetik urrun geratu, eta hain zuzen, 18 puntu lortuta, txapeldunorde geratu da. Hirugarren postua Gaztedi A taldeak eskuratu du, 16 punturekin. Atzetik sailkatu dira Amaiur (9 puntu), Gaztedi B (7 puntu) eta Badaiotz (7 puntu). Ibarra B taldeak, berriz, zazpigarren postua eskuratu du gaurkoan, hiru punturekin, eta Abadiñok eraman du azken postua, puntu bakarra eskuratuta.