Euskal Herriko Sokatira Txapelketan bi lehia izan dira asteburuan. Batetik, emakumezkoen 500 kiloko lehen jardunaldia jokatu da eta Ibarra Sokatira Taldeak bigarren postua lortu du. Matienan izan zen saioa, larunbatean, eta bertan zazpi taldek parte hartu zuten. Beti Gazte izan zen lehen postua lortu zuena, 7 puntu eskuratuz. Ibarrak 5,5 puntu lortu zituen, eta puntu kopuru bera lortu zuen hirugarren geratu zen Gaztedik. Amaiur izan zen laugarren 4 punturekin, Badaiotz bosgarren 2,5 punturekin, Abadiño seigarren 2,5 punturekin eta Txantrea zazpigarren puntu batekin.
Bestalde, gizonezkoen 600 kiloko bigarren kanporaketa jokatu zen Turtziosen, igandean, eta Ibarra Sokatira Taldea finaletik kanpo geratu zen. Hamar talde zeuden lehian eta lehen seiak pasa ziren finalera. Ibarrakoak bederatzigarren izan ziren.